Եթե մենք մոռանանք, ապա ինչու՞ Թուրքիան պետք է հիշի Ցեղասպանությունը

"Թուրքիայի կողմից Հայոց Ցեղասպանության ընդունումը լուծում է միանգամից երկու խնդիր. առաջին`Հայաստանի ազգային անվտանգության հարցը, երկրորդ` կանխում է Ցեղասպանությունների իրագործումը,"- այսօր տարբեր երկրների ներկայացուցիչների հետ հանդիպմանը շեշտեց ՀՅԴ Բյուրոյի անդամ Վահան Հովհաննիսյանը: Հանդիպման նպատակն էր ծանոթանալ հայ-թուրքական և հայ-ադրբեջանական հարաբերությունների հետագա զարգացման հայկական տեսակետին: Վահան Հովհաննիսյանը, անդրադառնալով Ցեղասպանության միջազգային ճանաչման խնդրին, նշեց, որ հայկական կողմը հետևողական է Ցեղասպանության միջազգային ճանաչմանը, որի ջատագովներից է Ցեղասպանության հետևանք հայկական սփյուռքը, իսկ Թուրքիան տանում է ժխտողական քաղաքականություն, ինչպես նաև պատմական Հայաստանի տարածքում` Արևմտյան Հայաստանում, թուրքացնում է տեղանունների, կենդանական տեսակների հայկական անունները` շարունակելով ցեղասպանության հետքերի վերացումը: Ըստ Հովհաննիսյանի` հայ-թուրքական սահմանի բացումը ողջունելի է, բայց միայն առանց որևէ նախապայմանի, իսկ հայ-թուրքական հարաբերություններում ադրբեջանական գործոնի առկայությունը անընդունելի է: Վահան Հովհաննիսյանը խոսեց նաև հայկական կողմի` Արցախյան հիմնահարցը խաղաղ կարգավորման պատրաստակամության մասին:

2012-03-31

 
ից մինչև
ԳԼԽԱՎՈՐ
Որքանո՞վ է Իսրայելը լավ զգալու, որ Ադրբեջանի պարտությունն ասոցացվի...
Երեք կարևոր խնդիր ունենք, որոնցով պետք է լրջորեն զբաղվենք
Խորհրդարանական ճեպազրույց
Ընտրական օրենսգրքի վերաբերյալ տարաձայնությունների մեջ տարօրինակ...
Այլ...