Կարծես, կառավարությունն ինքն իր համար մրցույթ է հայտարարել` որքան հնարավոր է շատ հակապետական գործողություններ իրականացնել: Հերթը հասել է հանրակրթական հաստատություններին: Այս մասին ԱԺ հայտարարությունների ժամին ասաց ԱԺ ՀՅԴ պատգամավոր Արծվիկ Մինասյանը: Նրա խոսքով` կառավարությունը պատրաստվում է կտրուկ կրճատել հաստիքները հանրակրթական հաստատություններում: Շուրջ 10 հազար աշխատատեղ է կրճատվելու, այսինքն՝ սոցիալական ծանր պայմաններում այդքան ընտանիք է հայտնվելու: «Դիմում ենք ԱԺ-ին, առաջարկում, որ այս հարցի շուրջ մանրամասն քննարկում հրավիրվի, և եթե կառավարությունը կանխամտածված է իրականացնում նման քաղաքականություն, բռնենք ձեռքը և թույլ չտանք: Թե' Երևանում, թե' մարզերում նման վարքագիծը բերում է կրթական, դպրոցական միջավայրի վերացման: Չէ՞ որ դրանք պատահական մարդիկ չեն, այլ դպրոցների շունչն են»,- ասաց Արծվիկ Մինասյանը:
|
2014-02-04 |
